17 Монгол Улсын Их Хурлын 2019 оны ýýëæèò áóñ чуулганы үйл ажиллагааны танилцуулга 2.3.Эрх зүйн шинжилгээний албаны ажлын талаарх мэдээлэл Улсын Их Хурлын 2019 оны ээлжит бус чуулганы хугацаанд Хууль тогтоомжийн тухай хуулийн дагуу Улсын Их Хуралд өргөн мэдүүлэх тов тогтоолгохоор ирүүлсэн 21 хууль, Улсын Их Хурлын тогтоолын бүрдлийг Хууль тогтоомжийн тухай хуулийн 40 дүгээр зүйлд заасны дагуу хянаж, Тамгын газрын удирдлагад танилцууллаа. Улсын Их Хурлын Тамгын газрын Ерөнхий нарийн бичгийн даргын 2013 оны 9 дүгээр сарын 30-ны өдрийн 169 дүгээр захирамжаар баталсан “Хууль, Улсын Их Хурлын бусад шийдвэрийн эцсийн найруулга хянах журам”-ын дагуу баталсан 5 хууль, Улсын Их Хурлын 6 тогтоолын эцсийн найруулгыг хянан тухайн хууль, тогтоолын агуулга, бодлого, зарчмыг алдагдуулахгүйгээр нэр томьёо, үг хэллэгийг жигдлэх, найруулгын болон дэс дараалал, бүтцийн зэрэг хууль зүйн техникийн шинжтэй засварыг хийж чуулганы нэгдсэн хуралдаанд танилцуулсан. Улсын Их Хурлын 2019 оны ээлжит бус чуулганы хугацаанд бие даасан 1 хууль, олон улсын гэрээ соёрхон батлах тухай 5 хууль, нэмэлт, өөрчлөлт оруулсан 7 хууль, хууль хүчингүй болсонд тооцох тухай 6 хууль, Улсын Их Хурлын 17 тогтоол, төрийн мэдээлэл эмхэтгэлийн хяналтын эх хувийг Эрх зүйн мэдээллийн нэгдсэн санд бүртгэн авч хөдөлгөөн, өөрчлөлтийг цахим болон хяналтын хувьд бүрэн хийж гүйцэтгэсэн. Монгол Улсын Ерөнхийлөгчийн 10 зарлиг, Үндсэн хуулийн цэцийн 2 дүгнэлт, Төрийн мэдээлэл эмхэтгэл 12, Засгийн газрын тогтоол 94 мэдээллийн нэгдсэн цахим санд зохих өөрчлөлтийг хийж бүртгэж авсан. Улсын Их Хурлын Тамгын газрын Хууль тогтоомжийн санд байгаа хууль тогтоомж, бусад эрх зүйн актаар Улсын Их Хурлын удирдлага, гишүүд, Улсын Их Хурал дахь нам, эвслийн бүлгийн хүсэлт, түүнчлэн Тамгын газрын удирдлага, байнгын хорооны ажлын алба, Тамгын газрын ахлах зөвлөх, зөвлөх, референт, нарийн бичгийн дарга нарт 27 нэр төрлийн лавлагаа мэдээллээр үйлчилж ажилласан. 2019 оны ээлжит бус чуулганы хугацаанд хууль санаачлагчаас Улсын Их Хуралд өргөн мэдүүлсэн хууль, Улсын Их Хурлын бусад шийдвэрийн 20 төслийг бүртгэж, хэлэлцүүлгийн шатанд байгаа хууль, Улсын Их Хурлын бусад шийдвэрийн төслүүдийг хэлэлцүүлэгт орсон он, сар, өдөр, ажлын хэсэг байгуулсан эсэхийг тухай бүр тэмдэглэж, Улсын Их Хурлын даргын дэргэдэх Зөвлөлд танилцуулсан. Улсын Их Хурлын 2019 оны ээлжит бус чуулганы Улсын Их Хурал дахь намын бүлэг, ажлын хэсэг, Байнгын, дэд болон нэгдсэн хуралдаанаар хэлэлцэх асуудал, хуваарийн төсөл 13 бэлтгэж, Улсын Их Хурлын даргын дэргэдэх Зөвлөлийн хурлаас баталсан хуваарийг тухай бүр нь дотоод сүлжээ болон parliament.mn цахим хуудаст байршууллаа. Мөн ээлжит бус чуулганы хугацаанд Улсын Их Хурлаас баталсан 40 хууль, тогтоолыг ёсчлуулан Ерөнхийлөгчийн Тамгын газарт хүргүүлж, Ерөнхийлөгчийн хориг тавих хугацаа дуусмагц батлагдсан хууль, Улсын Их Хурлын бусад шийдвэрийг холбогдох байгууллагуудад хүргүүлж ажилласан. ЭРХ ЗҮЙН ШИНЖИЛГЭЭНИЙ АЛБА
RkJQdWJsaXNoZXIy MjE1NzIw