129 Монгол Улсын Их Хурлын 2019 оны намрын ýýëæèò чуулганы үйл ажиллагааны танилцуулга Эрүүл мэндийн тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг нэгдсэн хуралдаанаар хэлэлцэх үед төслийн “өөрчлөлт оруулах тухай” заалт хасагдсан тул хуулийн нэрийг “Эрүүл мэндийн тухай хуульд нэмэлт оруулах тухай” гэж өөрчиллөө. Эрүүл мэндийн тухай хуульд нэмэлт оруулах тухай хуулийг Улсын Их Хурлын 2019 оны 10 дугаар сарын 17-ны өдрийн чуулганы нэгдсэн хуралдаанаар хэлэлцэж баталсан бөгөөд 2020 оны 01 дүгээр сарын 01-ний өдрөөс эхлэн дагаж мөрдөнө. Манай улсад хорт хавдраар өвчлөгсдийн тоо тогтмол нэмэгдэж байгаа бөгөөд 2018 онд 6073 шинэ тохиолдол оношлогдож, 4412 хүн энэ өвчний улмаас нас барсан бөгөөд өвчлөгсдийн 77 хувь нь хожуу үе шатандаа буюу III, IV үедээ оношлогдож байгаа тул нэг жил хүртэл хугацаанд 28 хувь, 2-5 жил хүртэл 25 хувь, 5-аас дээш жил 35 хувь нь амьдарч байгаа гэсэн статистик тоон үзүүлэлт гарчээ. Улсын Их Хурлаас баталсан Эрүүл мэндийн тухай хуульд нэмэлт оруулах тухай хууль нь Монгол Улсын иргэнийг хорт хавдраас урьдчилан сэргийлэх, эрт илрүүлэх үзлэг, шинжилгээ, оношилгоонд түүний нас, хүйс, эрүүл мэндийн эрсдэлд үндэслэн товлосон хугацаанд нь хамруулах эрх зүйн орчныг бүрдүүлж өгснөөрөө чухал ач холбогдолтой юм. Эрүүл мэндийн даатгалын тухай хуулийн 9 дүгээр зүйлийн 9.4-т “Даатгуулагчийг урьдчилан сэргийлэх, эрт илрүүлэх үзлэг, оношилгоо, шинжилгээнд түүний нас, хүйс, эрүүл мэндийн эрсдэлд үндэслэн тогтоосон товлолт хугацаанд хамруулан, эрүүл мэндийн даатгалын сангаас зардлын төлбөрийг нь санхүүжүүлэх бөгөөд даатгуулагчийг урьдчилан сэргийлэх, эрт илрүүлэх үзлэг, оношилгоо, шинжилгээнд хамруулах журмыг нийгмийн даатгалын болон эрүүл мэндийн асуудал эрхэлсэн төрийн захиргааны төв байгууллагын саналыг үндэслэн Үндэсний зөвлөл батална” гэж заасан байдаг. Дээр дурдсан 9.4 дэх хэсэгт хамрагдаагүй хорт хавдраас урьдчилан сэргийлэх, эрт илрүүлэх үзлэг, шинжилгээ, оношилгооны зардлыг улсын төсвөөс санхүүжүүлэхээр хуульчиллаа. Түүнчлэн Эрүүл мэндийн тухай хуульд иргэн бүр хорт хавдрыг эрт илрүүлэх үзлэг, шинжилгээ, оношилгоонд товлолт хугацаанд хамрагдаж, эрүүл мэндээ хамгаалах үүрэгтэй гэж заасан болно. Хууль, эрх зүйн хэлтсийн зөвлөх Ж.Чимгээ Утас: 261241, 99097076 ИННОВАЦИЙН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ ХУУЛИЙН ТАНИЛЦУУЛГА Улсын Их Хурал 2019 оны 12 дугаар сарын 20-ны өдөр Инновацийн тухай хуульд нэмэлт, өөрчлөлт оруулах тухай хуулийг хэлэлцэн баталлаа. Инновацийн тухай хуульд нэмэлт, өөрчлөлт оруулах тухай хуульд дараах зохицуулалтыг тусган баталсан. Үүнд: 1. Инновацийн тухай хуулийн зарим нэр томьёог олон улсын жишигт нийцүүлэн шинэчилж, шаардлагатай зарим нэр томьёоны тодорхойлолтыг нэмсэн. 2. Инновацийн тухай хуульд заасан төрийн байгууллагуудын эрх үүргийн хуваарилалтын давхардал, зөрчлийг арилгалаа. 3. Гарааны компанийг дэмжих, тэдний инновацийн бүтээгдэхүүн үйлчилгээг хөгжүүлэх, зах зээлд нэвтрүүлэх, инновацийн грант олгох зэрэг төрийн дэмжлэгийг тодорхой болголоо. 4. Инновацийн дэд бүтцийг оновчтой тогтоон, шаардлагатай дэд бүтцийн талаарх зохицуулалтыг нэмж тусгалаа.
RkJQdWJsaXNoZXIy MjE1NzIw