Хөгжил, бодлого, төлөвлөлтийг тодорхойлох нь -Нөхцөл байдлын шинжилгээ: суурь судалгаа, бодлогын хувилбарууд -- Төлөвлөлтийн үйл явц -- Талуудын оролцоо ба зөвшилцөл --Хяналт-шинжилгээ ба үнэлгээ

Гарын авлага нь таван бүлгээс бүрдэнэ. Нэгдүгээр бүлэгт бодлого, түүний төрлүүдийн талаарх үндсэн ойлголт болон бодлого төлөвлөлтийн үйл явцын талаар хэрэглэгчдэд мэдээлэл өгнө. Хоёрдугаар бүлэгт, үр дүнд суурилсан бодлого боловсруулахад нэн чухал нөхцөл байдлын шинжилгээг хэрхэн хийх, мэдээлэл, нотолгоо цуглуулах, түүнд дүн шинжилгээ хийх, асуудалд шийдэл олох аргачлалын талаар тайлбарлана. Гуравдугаар бүлэгт урт, дунд болон богино хугацааны бодлогыг төлөвлөх үе шат, бодлогын хэрэгжилтийг орон нутаг, салбар хооронд уялдуулах талаар өгүүлнэ. Дөрөвдүгээр бүлэгт бодлого төлөвлөлтийн үйл явцад талуудын оролцоог хангахын ач холбогдол, санал солилцох хэлэлцүүлгийг зохион байгуулах талаар дурдана. Хамгийн сүүлийн бүлэгт бодлогын хэрэгжилтэд хяналт-шинжилгээ хийх, үнэлгээ өгөх үйл ажиллагааны үе шат, аргачлалыг дэлгэрэнгүй тайлбарлана. Энэхүү гарын авлагыг дасгал, жишээ болон хавсралт материалаар баяжуулав.