Судар бичгийн хүрээлэн -- Шинжлэх ухааны хүрээлэн -- БНМАУ-ын шинжлэх ухааны академи (1961-1990он) -- Монгол улсын шинжлэх ухааны академи -1991 оноос хойш эдүгээ хүртэл

Шинжлэх ухааны салбарын хөгжлийн түүхэн үйл явцыг харуулсан архивын баримт, мэдээлэл, түүхэн зураг, шинжлэх ухаан технологийн салбар хийгээд төрийн өмчит эрдэм шинжилгээний байгууллагуудын хөгжлийг харуулсан гэрэл зураг, бодит баримт, салбарын томоохон зүтгэлтэн, нэрт эрдэмтдийн тухай баримт мэдээлэл зэргийг багтаан түүхэн альбом хэлбэрээр олон нийтэд хүргэж байна. Уг түүхэн архивын эх хэрэглэгдэхүүн, гэрэл зургийн цомог нь орчин цагийн шинжлэх ухааны нэгэн зууны түүхийг системтэй ойлгоход тус нэмэр болохын зэрэгцээ шинжлэх ухааны олон чиглэлийн байгууллагууд түүхээ судлах, тодруулах, шинжлэх ухаан судлалын чиглэлээр судалгаа хийж буй судлаачид, эрдэм шинжилгээний ажилтнууд, магистр, доктор болон хэн бүхэн ашиглахад ихээхэн чухал бүтээл.