Энх-Амгалан хааны зарлиг -- Гадаад аймгийн ван, ноёд хошууны тайж, гүнүүдэд буулгасан зарлигийн бичиг -- Гадаад аймгийн ван, ноёд, хошууны тайж, тавнангуудад буулгасан зарлигийн бичиг -- Цэргийн цааз -- Найрамдлын гэрээ бичиг -- Хятад, Орос, Монгол гурван улсын Хиагтын гэрээ

Энэхүү эмхэтгэлүүдэд оруулж байгаа эх сурвалжууд нь өмнө орчин цагийн монгол үсгээр буюу кирилл бичгээр хэвлүүлснийг эрх зүйн түүхийн судалгааны эргэлтэд оруулах зорилгоор эмхэтгэж байгаа бөгөөд ихэнх эх сурвалжийг Монгол Улс, БНХАУ-д хадгалж буй архивын баримтад тулгуурлан орчуулж, хөрвүүлэн толилуулж байна. Энэ бүтээлд судалгааны эргэлтэд огт орж байгаагүй “Зарлигаар тогтоосон гадаад монголын төрийг засах явдлын яамны дагаж явуулах хууль зүйлийн бичиг”-ийг анх удаа, мөн Олноо өргөгдсөн Богд хаант Монгол Улсын Дээд хурлаар “Зарлигаар тогтоосон Монгол Улсын хууль зүйлийн бичиг”-ийг боловсруулах ажилтай холбоо бүхий Үндэсний Төв Архивт хадгалж буй түүхэн баримтуудыг багтаасан байна.