Оршил -- Улсын их хурлын 2012 оны сонгуулийн шинэтгэл -- Дүгнэлт -- Сургамж -- Зөвлөмж

Улсын Их Хурлын 2008 оны сонгууль олон маргаан, үймээн самуун дагуулсны эцэст сонгуулийн тогтолцоог шинэчлэх улс төрийн хүсэл зориг Монгол улсад анх удаа бүрджээ. Сонгуулийн тогтолцоог шинэчлэх хэлэлцүүлэг 2010 оноос эхэлсэн боловч УИХ-ын Сонгуулийн тухай хуулийн шинэчилсэн найруулгыг сонгууль болохоос зургаан сарын өмнө буюу 2011 оны 12 сарын 15-нд баталжээ. Эдгээр өөрчлөлтөд тухайн тойрогт хамгийн олон санал авсан нь сонгогдох 48, намын жагсаалтаар хувь тэнцүүлэн сонгогдох 28 суудал бүхий сонгуулийн паралель тогтолцоог баталсан, сонгогчдын шинэчилсэн жагсаалтыг хүн амын шинэчилсэн бүртгэл дээр үндэслэн Улсын бүртгэлийн ерөнхий газраас баталгаажуулан иргэний шинэ үнэмлэх олгосон, саналын хуудсыг автомат машинаар тоолсон, төрийн бус байгууллагууд санал авах, санал тоолох ажиллагааг ажиглах эрхтэй болсон, гадаад улсад байгаа иргэдийн саналыг авах зэрэг шинэ зүйлс орсон юм.