Монголын уламжлалт хуулиуд дахь иргэний эрх зүйн холбогдолтой заалтууд -- Монгол улсын иргэний хуулийн холбогдох зүйл заалт үндсэн хууль зөрчсөн эсэх маргааныг хянан шийдвэрлэсэн Монгол улсын Үндсэн хуулийн цэцийн дүгнэлт, тогтоолууд -- Монгол улсын иргэний хуулиуд, тэгээрт орсон нэмэлт, өөрчлөлтүүд -- Монгол улсын иргэний хуулийн холбогдох зүйл заалтыг тайлбарласан улсын дээд шүүхийн тогтоолууд

Эрдэм шинжилгээний эх сурвалж, үнэт материал болох нь мэдээж. Орчин үед эрх зүйн уламжлал, шинэчлэлийн түүхэн болон харьцуулсан судалгаа манай хууль зүйн шинжлэх ухааны өмнө тавигдаж буй чухал асуудал юм. Иймд иргэний хууль тогтоомжийн үүсэж, хөгжсөн түүхэн нөхцөл, туулсан замнал, өнөөгийн дүр төрх, ирээдүйн чиг хандлага гэсэн өнгөрсөн, одоо, ирээдүйн гурван цаг хугацаа, орон зайд нь асуудлыг авч үзэж судлахад судалгааны чухал хэрэглэгдэхүүн болно. Сургалтын хүрээнд багш, оюутан гарын авлага болгон ашиглаж болох бөгөөд тэд хичээлийн хөтөлбөрийн дагуу лекц, семинар, ярилцлагын сэдэв бэлтгэх, гэрийн даалгавар, курс, дипломын ажил хийхдээ хуулиудыг энд тэндээс илүү эрэл хайгуул хийхгүйгээр цаг хөдөлмөрийг хэмнэхэд энэхүү нэгдсэн хуулиудын эмхтгэл чухал тус дөхөм үзүүлнэ.